''Սիրելի Ֆրանչիսկոս Պապ` նախընթրիք ընենք միասին'' բնաբանով գիրքի հրատարակում։

(Ռատիօ Վատիկան) Շիքակոյի ''Լոյոլա Փրեսս'' հրատարակչատունը 2016 տարեշրջանի մարտ ամսոյն մէջ պիտի հրատարակէ մանուկներու վերապահուած առաջին գրքոյկը ` շարադրուած Ֆրանչիսկոս Քահանայապետին կողմէ որուն վերնագիրն է ''Սիրելի Ֆրանչիսկոս Պապ նախընթրիք ընենք միասին''։ Գիրքը որուն հեղինակներն են Յիսուսեան Միաբանութեան անդամ եւ ''Չիվիլթա Քաթթոլիքա'' Յիսուսեաններու պարբերաթերթի տնօրէն` Հայր Անթոնիօ Սփատարօ եւ Լոյոլա հրատարակչատան անդամ Թոմ Կրաթի, կը ներփակէ Ֆրանչիսկոս Քահանայապետին աշխարհի զանազան վայրերէն 6-13 տարեկան 31 մանուկներէն  ուղղուած նմանակներու պատասխանները։

Գիրքը պիտի հրատարակուի միաժամանակ Իտալիոյ, Սպանիայի, Մեքսիքայի, Լեհաստանի, Ինդոնեզիայի, Ֆիլիփինեան կղզեխումբի եւ հնդկաստանի մէջ։

Ֆրանչիսկոս Քահանայապետին ուղղուած նմանակներուն մէջ ի յայտ կու գայ  Սրբազան Քահանայապետին նկատմամբ մանուկներուն ունեցած սէրը, անոր կեանքի մասին հետաքրքրութիւնը, ընտանեկան կառոյցի կարեւորութիւնը, արդարութեան զօրեղ զգացումը եւ բաղձանքը լսելի դարձնելու իրենց ձայնը ։

Ֆրանչիսկոս Պապին մանուկներուն տուած պատասխանները կը հաստատեն անոր համոզումը թէ մանուկները իսկապէս աշխարհի ապագան են ու թէ հարկաւոր է ունկնդրել անոնց ձայնը։

Յայտնենք թէ իտալացի լրագրող Անտրէա Թորնիելլի յառաջիկայ Յունուարին պիտի հրատարակէ գիրք մը որուն մէջ պարունակուած են բազմաթիւ մանուկներու  Ֆրանչիսկոս Քահանայապետին ուղղած նամակներէն նմուշներ։